iPhone/Pad a hmang mi cheukhat nih kan i fiang lo tawn mi cu Apple ID le iCloud hi a khat mi a si ma ti hi a si , Apple Products a hmang mi ...
iPhone/Pad a hmang mi cheukhat nih kan i fiang lo tawn mi cu Apple ID le iCloud hi a khat mi a si ma ti hi a si , Apple Products a hmang mi poah nih theih a herh mi a si caah a tawi fiangnak in ka van langh ter .
Apple ID
Apple ID timi cu Apple Products vialte hman khawhnak ding caah ngeih/tuah a herh mi User Account pakhat a si , Apple ID na ngeih a si ah cun na iPhone,Pad,Mac ah na hman khawh lai . Apple ID hmang in iMessage,iCloud,iTunes Store le App Store tibantuk ah Login tuah in hman na duh mi Apps , Games , Music pawl download tuahnak le na Phone khumhnak ding caah na hman khawh . a fawinak in cun Gmail hman kan duh ah cun Google Account tuah a hau ve i Apple Products pawl hman kan duh ah cun Apple ID a herh ve .
iCloud
iCloud cu Apple i Cloud Service pakhat a si , Online in Hmanthlak , Video le a dang dang chiah na duh tik ah hman khawh mi a si . iCloud cu Data lak than kan duh mi pawl Fim/chiahnak caah le na hman mi Device a tlau sual ah kawl thannak ding caah hman khawh a si . Apple Device ah a tel mi Find My Phone zong iCloud ah a tel ve mi a si . iCloud hman na duh ah cun a cunglei ah ka langh ter mi Apple ID na ngeih hmasa lawng ah hman khawh a si ve . cucaah iCloud timi cu Apple ID in Login tuah piak i hman khawh mi Online Storage pakhat a si .
- iPhone ah App/Game/Music khumh kan duh tik ah siseh , iCloud hman kan duh tik ah siseh Apple ID pakhat na ngeih ah cun hman khawh a si cang .
COMMENTS